Accessibility links

Breaking News

Meksik: Yon Migran ki Ansent Pèdi Lavi li nan yon Kamyon


Migrant Children

Yon fanm ansent ki soti nan peyi Nikaragwa te mouri apre yo te abandone li ak plizyè lòt migran nan yon kamyon ki tap fè trafik migran.

Sa pase nan eta Coahuila, toupre fwontyè Lèzetazini, kote anpil migran ki soti nan peyi Amerik Santral ap eseye travèse nan peyi Meksik ak yon rèv pou yo rive Ozetazini.

Ricardo Mejia Berdeja ki se Sou-sekretè pou Sekirite , te deklare ke "yon fanm ansent" te "pèdi lavi li". Migran yo "te sove migran yo nan kondisyon ki te trè difisil".

Yo estime ke te gen anviwon 160 moun ki te nan kamyon sa a.

Enstiti Nasyonal pou Migrasyon INM te di "Nou deplore lanmò yon fanm ansent ki te rive nan lopital la epi ki te dyagnostike ak lanmò fetis la".

Yo te entène lopital katòz lòt imigran diferan nasyonalite.

Viktim yo te "abandone nan trelè a nan yon kamyon, kote yo pwobableman vwayaje anpile, san dlo oswa vantilasyon", INM la deklare.

Otorite yo te sove 64 imigran, pami yo 47 ki soti Nikaragwa, sis Ondiras, twa Gwatemala, sèt Kiben. Yon santèn lòt t ap kouri.

INM te pwomèt viza imanitè pou imigran ki te sove yo.

INM kondane moun ki ap fè trafik migran yo kote "ki fè lajan sou do migran sa yo k nan bezwen, e yo al abandone yo nan sitiyasyon ki riske lavi yo.

9 desanm, 56 imigran te mouri nan yon aksidan kamyon nan eta Chiapas.

Sou desizyon Kou Siprèm nan, Lèzetazini reaktive yon pwogram ki oblije imigran yo all tann resons nou dosye azil yo nan peyi Meksik.

XS
SM
MD
LG