Vyolans jodia te gen ladann bonbadman vil Mariupol nan sidès peyi a, e nouvèl ke nou pa rive konfime fè konnen Ris yo sezi vil Kherson.
Nan yon video ki parèt jodia, Prezidan Ikrèn nan Volodymyr Zelenskiy fè sonje yon bonbadman ki fèt madi ki frape yon antèn televizyon nan Kyèv sou kote moniman olokos la Babi Yar.
Zelenskiy, ki se Jwif, mande Jwif yo pou yo pa fè silans sou sa k-ap pase nan Ikrèn. Li te mande madi pou LaRisi dabò sispann batay yo pou bay negosyasyon yo yon chans.
Yon pòtpawòl Alexy Navalny ki toujou kritike Kremlen an depi lontan, poste sou kont Twitter lidè opozisyon ki nan prizon an ke Prezidan Vladimir Putin "se pa LaRusi" e ke pèp la "paka tann plis" pou manifeste kont envazyon an.