Accessibility links

Breaking News

Ikrèn, Pandemi a, Ekonomi a ap Pwen Santral Premye Diskou Biden sou Eta Peyi a


Sal nan Lachanm De Reprezantan Etazini kote Prezidan Joe Biden pral pwononse diskou li sou eta peyi a, 1 Mas, 2022.

Konfli Ikrèn nan, pandemi a epi ekonomi a gen anpil chans pou yo dominen diskou Prezidan Joe Biden pral fè sou eta peyi a Madi. Diskou sa a ap fèt nan yon moman istorik ki san parèy dapre analis yo.

Diskou sou Eta Peyi a, obligatwa dapre konstitisyon peyi Etazini. Se yon moman kote prezidan an pale de sak pase pandan ane presedant la.

Joe Biden ap pwononse premye diskou li sou eta peyi a ane sa, a malgre se pa premye fwa lap pale devan 2 chanm Kongrè a reyuni.

Ikren, Pandemi a, Ekonomi a, ap Pwen Santral Premye Diskou Biden sou Eta Peyi a
please wait

No media source currently available

0:00 0:02:27 0:00

Lamezonblanch di pandan diskou a Madi swa, Biden pral pwobableman diskite sou envazyon La Risi fè nan Ikrèn epi bay pwend vi li sou sityasyon mondyal la.

"Nou nan mitan yon envazyon. Donk mwen paka di'w alavans kisa diskou sou Eta Preyi a pral ye. Anski konsene kijan prezidan an wè apwoch li sou politik etranje - ou konnen prezidan an te fè kanpay sou lide pou Etazini retounen bo tab la, li te vle yon retou nan yon epok kote lot lidè mondyal yo ka fè Etazini konfyans e fè angajman nou konfyans. E sa ou wè pandan mwa ki pase yo se yon prezidan ki fè egzakteman sa," Jen Psaki, pot pawol Lamezonblanch di lapres.

Pandan semèn ki sot pase a, Biden pwonose plizyè diskou sou kriz Ikrèn nan.

Pami Ameriken Biden ta dwe atann ni aske popilasyon an divize pa rapo ak pati politik yo, nan reyaksyon yo sou sa li konsidere kom pi gwo menas pou sekirite global la apre fen Dezyèm Gè Mondyal la. Norman Ornstein travay pou American Enterprise Institute.

"Dabitid, peyi a apiye prezidan an lè nap fè fas ak yon kriz entènasyonal. Si ou gade Tucker Carlson oubyen koute Donald Trump oubyen konnen kisa anpil Repibliken nan Kongrè a ap di -- ou we yo pa apiye prezidan an. Divizyon pati yo egziste menm pou bagay ki afekte sekirite nasyonal Etazini, " Ornstein esplike.

Prezidan yo konn pwofite diskou a pou pran tèt Kongrè a sou ajenda yo pou peyi a ak lwa yo ta renmen adopte. E gen yon sijè tout moun atann yo aske prezidan kouvri, dapre Jeremi Suri, yon istoryen nan Inivesite Texas nan vil Austin.

"Tout prezidan pale sou ekonomi a paske yo vle di eta ekonomi a ap amelyore peyi a pi anfom ke anvan. Sèl eksepsyon an se lè Etazini ap fè lagè."

Yon bagay ki sèten: Etazini ak pi fo mond lan ap pral suiv kisa Biden pral di. Diskou a ap tanmen a 9h lè Washington Madi 1 Mas.

**Ou kapab swiv diskou a an direk ak tradisyon Kreyol sou voanouvel.com

Korespondan VOA nan Lamezonblanch, Anita Powell, ekri vesyon orijinal repotaj sa a

XS
SM
MD
LG