Accessibility links

Breaking News

Nijeria: Arestasyon yon Chef Polis Pou Dwòg


Abba Kyari

Yon otorite wo-plase lapolis nan Nijerya, ke yo te sispann nan fonksyon li ane pase kòm sispèk pou swa-dizan wòl li nan yon trafik dwòg entènasyonal, jwenn arestasyon l, dapre sa lapolis anonse lendi swa.

Komisè polis adjwen Abba Kyari te jwenn sispansyon nan mwa Daout 2021 e lapolis t ap mennen yon ankèt entèn sou li apre ke yon moun Nijerya ke yo jije pou dwòg nan Etazini, Ramon Abbas ki gen ti non Hushpuppi, te akize l. Mesye sa a menm ki se yon vedèt nan rezo sosyal yo, plede koupab nan Etazini pou lavaj lajan ak divès lòt krim.

Nan yon kominike, lapolis fè konnen lendi swa ke Abba Kyari ak 4 lòt ofisye jwenn arestasyon yo "pou enplikasyon yo nan yon afè trafik dwòg ki enplike yon katèl dwòg transnasyonal".

Lapolis presize ke ofisye sa yo jwenn arestasyon yo apre otorite yo te resevwa enfòmasyon ki soti nan Ajans Anti dwòg nan Nijerya ki gen ti non NDLEA. NDLEA lanse yon manda arestasyon kont Abba Kyari e li sèten ke akize a te manm yon katèl dwòg ki opere nan Brezil, Etyopi ak Nijerya.

NDLEA fè konnen tou yo te filme Abba Kyari ki t ap chache kòwonpi yon ofisye ajans la nan mwa Janvye pase ak lajan anba tab, lè li te ofri ofisye a plizyè dizèn milye dola pou l kache yon pati nan 25 kilogram kokayin ke ajans la te sezi.

Apre sispansyon Abba Kyari, ajans antidwòg la te konvoke li 10 Fevriye pou reponn kesyon, men li pa te prezante.

XS
SM
MD
LG