Prezidan Etazini an, Donald Trump, deklare:
«Katèl dwòg meksiken yo dwe disparèt sou sifas Planèt Tè a. »
Lidè ameriken an pale konsa aprè yon gang meksiken fin masakre 9 manm yon fanmi amerikèn nan Meksik, swa 3 fanm avèk 6 timoun. Sanble gangtè yo te twonpe yo e yo te pran machin viktim yo pou machin kèk manm gang k ap goumen pou kontwòl rejyon an, daprè otorite meksiken yo. Nan yon nòt Prezidan Trump pibliye sou kont Tweeter li, li ajoute:
<<Si Meksik bezwen oubyen si l mande èd pou l elimine mons sa yo, Lèzetazini pare, li gen volonte e li kapab antre nan koze a epi fè travay la rapidman e byen.>>
Prezidan ameriken an pwopoze pou l ede Meksik livre yon lagè san mèsi kont katèl dwòg yo. Sepandan prezidan meksiken an, Andrés Manuel Lope Obrador, rejte apwòch sa a ; dapre sa l di, gouvènman ki te la anvan li yo te eseye yon solisyon mlitè e "sa pa t mache. Pi move bagay ou kapab eseye, se lagè."
Prezidan Obrador, ki te pale avèk Prezidan Trump nan jounen madi 5 novanm nan, ajoute nan yon nòt sou kont Twetter li:
"Mwen di l mèsi pou volonte li genyen pou l ede nou e mwen fè l konnen enstitisyon gouvènman meksiken an pral pase alaksyon pou l garanti ke lajistis triyonfe."