Accessibility links

Breaking News

Venezuela: Lidè Oto-Pwoklame Juan Guaido Lanse Apèl pou Lame a Travèse Nan Kan Pa Li a


Lidè Opozisyon Venezuela Juan Guaido Kap Salye Patizan li yo Nan Karakas Apre li te sot Asiste Lamès Yè Dimanch . AP/Fernandi Llano

Nan Venezuela, lidè opozisyon e prezidan pwovizwa oto-pwoklame Juan Guaido lanse apèl pou manifestasyon dewoule nan peyi amerik di sid la pandan 2 jou semèn sa a, nan yon dènye tantativ pou fè lame venezuelyen an vire do bay prezidan Nicolas Maduro e travèse nan kan pa li a pito.

Pou kòmanse, mesye Guaido mande pou sitwayen nan peyi a mete sou pye yon manifestasyon 2 zèdtan nan mitan jounen mèkredi kap vinn la a pou trklame prezans militè nan kan pa yo a, sètadi pou lame Venezuela a vinn kanpe ak pèp souvren olye de prezidan Nicolas Maduro.

Samdi pase, lidè oto-pwoklame Juan Guaido te lanse apèl pou patizan li genyen nan chak kwen lari nasyon an mete ak sal genyen nan lemond antye desann sou beton an nan , yon fason pou demach lakowenside ak dènye dèle unyon ewopeyèn fikse pou ororite elektoral venezuelyen anonse nouvo eleksyon nan peyi amerik di sid la.

XS
SM
MD
LG