Accessibility links

Breaking News

Tanperati, Travay, ak Lang Rann li Difisil pou Ayisyen Adapte yo nan Chili Dapre Anbasadè Patricio Utreras


Drapo ayisyen ak drapo chiliyen. Foto: REUTERS/Jeanty Junior Agustin

Gouvènman Chilyen an ap kontinye retounen ann Ayiti ayisyen ki enskri nan pwogram retou volontè a. Nan Enfòmasyon an Gwo Plan Jean Robert Philippe di nou pwogram sa a ap kontinye malgre gouvènman an pa sanble li pare pou l akeyi sitwayen sa yo ki te kite peyi a pou yo al chache yon lavi miyò nan peyi AmerikdiSid la.

Objektif pwogram nan se pou ede resòtisan sa yo ki an difikilte retounen lakay yo gratis. Nan kòmansman semen nan, administrasyon Sebastian Pinera a te retounen yon 2èm group plis pase 175 ayisyen. Youn nan pasaje yo te eksplike rezon ki li patisipe nan pwogram nan.

chili 1
please wait
Embed

No media source currently available

0:00 0:00:32 0:00

Pasaje sa a li menm tou mande dirijan chilyen yo pou yo pa kanpe pwogram rapatriyasyon volontè a pou pèmèt konpatriyòt li yo benefisye pwogram gratis la.

chili 5
please wait
Embed

No media source currently available

0:00 0:00:10 0:00

Moun ki patisipe nan pwogram rapatriyasyon volontè a pran angajman pou yo pa retounen o chili pou 9 pwochèn ane yo dapre dokiman yo siyen ak gouvènman an. Senatè Patrice Dumond, ki te vizite chili sa pa gen lontan, te prezan nan ayewopò a pou akeyi 2èm group imigran sa yo o. Senatè di Ayiti ap fas ak yon kriz imanitè.

chili e patrice
please wait
Embed

No media source currently available

0:00 0:00:28 0:00

Direktè OIM nan, Ofis Nasyonal Migrasyon an, Eude Lajoie di li espere gouvènman an dwe pi byen prepare pou akeyi pwochen group imigran kap tounen nan peyi a.

Chili 4 oim
please wait
Embed

No media source currently available

0:00 0:00:36 0:00

Sou yon total 1200 ayisyen ki enskri nan pwogram rapatiyasyon volontè a, genyen sèlman anviwon 300 ki deja retounen nan peyi a. Anbasadè chilyen an ann Ayiti Patricio Utreras, ki t ap patisipe nan pwogram Le Point sou Radyo Tele Metropòl, ekate pawòl k ap pale kòm kwa pwogram rapatriyasyon volontè a sible sèlman ayisyen yo alòske gen lòt imigran amerikdisid la pa egzanp kap konfwonte menm pwoblèm ak imigran ayisyen yo.

Anbasadè Utreras di pou kounye a gen plis pase 250 mil ayisyen k ap viv O Chili pandan ane ki pase yo. Diplomat la di gen plizyè faktè ki eksplike desizyon imigran ayisyen yo pran pou patisipe nan pwogram retou volontè a. Tanperati, travay, lang ak difikilte yo genyen pou adapte nan yon lòt kilti.

Retou volontè ayisyen sa yo vin mete plis absè sou klou gouvènman ayisyen an ki gen difikilte pou l ofri travay bay popilasyon an. Gouvènman an kapab fas ak lòt difikilte toujou si lòt peyi deside retounen nan peyi a resòtisan ayisyen k ap viv san dokiman legal lakay yo.

XS
SM
MD
LG