Accessibility links

Breaking News

Ayiti: Lekòl ouvè e Transpò an Komen ap fonksyone kòmsadwa, Malgre modòd Grèv opozisyon an Lanse


Premye minis Jean Henry Ceant pandan li tap mache nan jaden Palè Nasyonal la jou nominasyon li an. Foto: 7 out 2018. REUTERS/Andres Martinez Casares - RC1EE7FEE9C0

Opozisyon an lanse yon modòd grèv pou lendi 26 ak madi 27 novanm-nan. Sepandan, dapre korespondan Lavwad-Lamerik nan Pòtoprens Renan Toussaint ki siyonnen kapital la , transpò an komen ap fonksyone kòmsadwa e elèv pran direksyon etablisman skolè ki louvri pou akeyi etidyan. Anplis desa, popilasyon an fè konnen paka gen grèv chak jou nan peyi Dayiti, fòk yo ka an mezi pou yal travay e fè pwovizyon pou pote lakay, yon fason pou fanmi yo ka jwenn manje po yo manje.

Antretan, gouvènman Moise-Ceant ap pare pou lanse yon pwojè asenisnan toupatou nan peyi Dayiti, dekwa pou kreye ti dyòb pou moun nan katye defavorize yo patikilyèman dekwa pou pèmèt yo rale yon souf nan moman lamizè ap vale teren nan peyi Dayiti. Dapre Renan Toussaint, premye minis Jean Henry Ceant gen pou l anonse lansman senbolik pwojè asenisman sa a lendi 26 novanm nan ozanviwon 9 vè dimaten.

Yon ajan Ladwann nan zòn Malpass, kidonk sou fwontyè Ayiti pataje ak Repiblik Dominikèn nan, tire 2 moun nan wikenn pase a e blese plizyè lòt. Konsa, popilasyon an, ki move kou kong, mete dife nan komisarya. Ajan sa a te eseye al pran refij nan peyi panyòl, malerezman, otorite dominike te getan fèmen baryè fwontyè-a. Finalman, li mouri kankan-nen, dapre korespondan sèvis kreyòl la Renan Toussaint toujou.

XS
SM
MD
LG