Accessibility links

Breaking News

7èm Konferans Anyèl Asosyasyon Nasyonal pou Avansman Pwofesyonèl Ayisyen ap dewoule nan Miami


Sòti jedi 25 pou rive samdi 27 oktòb 2018 la, FIU (Inivèsite Entènasyonal Florid la) ki baze nan Miami ap sèvi kòm syèj 7èm konferans anyèl Asosyasyon Nasyonal pou Avansman Pwofesyonèl Ayisyen (NAAHP). Oganizatè yo ap reyalize rankont-deba 3 jou sa a gras ak kolaborasyon mèri vil North Miami an e avèk konkou FIU.

Komisyonè (ou manm adminstrasyon Kominal) North Miami, Jean Monestime, ki pale avèk Lavwadlamerik, deklare tèm konferans la ane sa a se: “Dyaspora Ayisyèn nan pou Redefinisyon Avni Mond nan”. Misye Monestime di youn nan objektif NAAHP se chache chanje statu qwo a an tan ke sistèm e redefini avni mond la. Daprè li, menmsi tout chanjman difisil, pwofesyonèl ayisyen yo kwè nan misyon yo fikse a; se pou sa yo reyini pou yo reflechi sou fason objektif yo kapab tounen reyalite.

Komisyonè a ensiste sou le fèt ke pèsonalite k ap sèvi kòm oratè prensial nan konfersn la, se Doktè Jean-Philippe Austin, yon espesyalis nan radyasyon ontolojik. Depi kèk tan deja, Doktè Ausstin se manm Komite Nasyonal Pati Demokrat la; e pèsonalite de mak sa a prezan pou li patisipe kòm entèprèt prensipal misyon gwoup la nan deba k ap make 7èm randevou anyèl Asosyasyon Nasyonal pou Avansman Pwofesyonèl Ayisyen.

Kolaboratè nou, Serge François Michel ki sou plas nan Miami, di nou òganizatè konferans la rezime an kèk mo pou li tèm santral la: se “Defini avni Ayiti pou yo menm e pout tout ayisyen.”

XS
SM
MD
LG