Accessibility links

Breaking News

Jistis USA: Manm Jiri Pwosè Paul Manafort, Ansyen Konseye Prezidan Trump, Rive sou 2èm Jou Deliberasyon yo


Ansyen chèf kanpay elektoral Prezidan Donald Trump, Paul Manafort. Foto sketch sa a montre Manafort nan tribinal kote l ap reponn akizasyon pou fwod bankè ak fiskal. Akizsaon sa yo se rezilta ankèt pwokirè espesyal Robert Mueller ap mennen sou entèferans Larisi nan eleksyon prezidansyèl novanm 2016 la Ozetazini (Foto: REUTERS/Bill Hennessy).

Ozetazini, nan moman manm yon jiri ap fè deliberasyon pou yon 2èm jou youn apre lòt pou yo deside ki vèdik pou yo pwopoze kont yon ansyen chèf kanpay elektoral Prezidan Donald Trump, lidè ameriken an deklare "pwosè sa a se yon veritab tristès."

Pandan Misye Trump t ap pale ak laprès vandredi nan La Mezon Blanch, li fè konnen: "Mwen panse afè pwosè kont Manafort la se yon bagay ki trè tris lè w byen gade sa k ap pase nan tribinal la. An fèt, se pou yon ti bout tan li te travay pou mwen; men mwen kapab di nou ke dapre mwen misye se yon trè bon moun. Daprè mwen se trè tris sa y ap fè misye la a."

3 nan avoka k ap defann Paul Manafort yo: Richard Westling (a goch), Kevin Downing (nan mitan) ak Thomas Zehnle, pandan yo t ap rive nan tribinal federal la sou 2èm jounen deliberasyon yo nan vil Alexandria, Eta Vijini., vandredi 17 out 2018 la.
3 nan avoka k ap defann Paul Manafort yo: Richard Westling (a goch), Kevin Downing (nan mitan) ak Thomas Zehnle, pandan yo t ap rive nan tribinal federal la sou 2èm jounen deliberasyon yo nan vil Alexandria, Eta Vijini., vandredi 17 out 2018 la.

Jiri a, ki gen 6 fanm a 6 gason ladna n, te reyini pandan 7 tèdtan jedi 16 out la nan yon tribinal nan Eta Vijini, tou pre Washington. Yo te poze jij la 4 kesyon; youn nan yo se kesyon pou yo te mande l plis limyè sou egzijans lajistis fè yo pou yo "pa genyen okenn dout ditou sou kilpabilite anize a"; si se pa sa, yo pa kapab kondane akize sa a.

XS
SM
MD
LG