Accessibility links

Breaking News

Nan Toronto, Kanada, Yon Minivann Monte sou yonTwotwa. Bilan 9 Moun Mouri


Ajan lapolis k ap travay pou fè limyè sou ensidan kote yon minivann frape plizyè moun nan yon kafou ki toujou plen machin ak pyeton nan Toronto, pwovens Ontario, nan Kanada (Foto: 23 avril 2018).

O Kanada, lapolis nan Toronto arete yon chofè aprè misye te monte sou yon twotwa ak yon vann epi li fonse sou yon gwoup pyeton. Daprè temwen ki pale ak CBC (Canadian Broadcasting Corporation ou Rezo Radyo-Teledifizyon Kanada a), 9 moun mouri e 16 lòt blese; lapolis bay yon konferans pou laprès kote yo konfime nouvèl la.

Plis pase 2 zèd-an apre enidan an, lapolis pat bay enfòmasyon sou chofè a ni sou rezon ki fè li poze zak la; yo pa di non plis si se yon aksidan oubyen yon fèt-ekspre.

Yon polisye ki te prese reponn sou plas apre ensidan an (Foto: 23 avril 2018).
Yon polisye ki te prese reponn sou plas apre ensidan an (Foto: 23 avril 2018).

Sepandan, anpil temwen di gen siyn ki montre klèman se ekspre chofè a fè; paske misye t ap fè vitès sou twotwa a kote li te frape plizyè moun youn apre lòt anvan machin nan te fin pa kanpe

Premye minis kanadyen an, Justin Trudeau, fè konnen kè l fè l mal pou moun ki afekte yo e li anonse li pral pale plis sou sa pi ta nan jounen an.

XS
SM
MD
LG