Washington: Prezidan ameriken an Donald Trump ap resevwa jodi lendi 23 avril la tokay li Prezidan fransè, Emmanuel Macron, kap vizite Etazini semèn sa a. Youn nan sijè diskisyon 2 chèf deta yo pral debat antre yo se dosye akò nikleyè peyi Iran an ke administrasyon Trump la ap menase pou l elimine, epi tou akò sou echanj komèsyal Etazini ak Ewop ki gen ladan akò egzonerasyon sou tarif asye ak alimiyòm ki prèske rive nan bout li.
Se pral premye fwa adminstrasyon Trump ap resevwa Prezidan fransè a Emannuel Macron nan Lamezon Blanch. Pandan ane ki sot pase a, Prezidan Macron ak Trump te fòje yon patenarya fasil e ke medya ameriken yo kalifye de "Bromance," 2 bon patnè men ki pa gen menm tanperaman jan Margaret Thatcher responsab Center for Freedom at Heritage Foundation, Sant pou Libète ak Eritaj di Lavwadlamerik nan yon entèvyou.