Accessibility links

Breaking News

Ayiti-Dife: Yon Ansyen Senatè Ayisyen Kondane Ensidan Dife Ki Boute 2 Mache Piblik yo


Mache Ipolit la ki tap bloule nan dife lendi swa 13 fevriye 2018 la nan Pòtoprens. (F. Lisené/VOA Creole)

Andris Riché, yon ansyen Senatè ayisyen ki tap vizite vil Boston, Ozetazini di li kondane ensidan dife ki rive nan 2 mache piblik nan Pòtoprens yo, mache Ipolit ak Gerit, youn apre lòt.


Ansyen palmantè Gran Dans la, ki se aktyèlman konseye politik Prezidan Jovenel Moise mande lapolis pou l pran tout dispozisyon pou mennen devan lajistis nenpòt moun yo ta sispèk nan ensidan malere sa a ki lage anbil machann 2 bra balan akoz machandiz yo dife a detui.

Ansyen Senatè Riché mande tou pou machann yo pran asirans pou machandiz yo, yon fason lè yon ensidan konsa rive pou yo pa nan gwo tèt chanje.

Ansyen Senatè Andris Riché te reponn kesyon Wilson Dubuisson, konespondnan Lavwadlamerik nan Boston.

XS
SM
MD
LG