Accessibility links

Breaking News

Andrew McCabe, Vis Direktè FBI, bay Demisyon Li


Andrew McCabe, vis direktè FBI ki anonse demisyon li lendi 29 janvye 2018 la.

Andrew McCabe, ki te vis direktè FBI (Biwo Ankèt Federal Lèzetazini an) e ki te resevwa kritik an piblik nan men Prezidan Donald Trump poutèt li ta swadizan gen paspouki politik, bay demisyon li plizyè semenn anvan dat li te genyen pou l fè sa nan mwa mas 2018 la, dapre sa yon otorite wo-plase nan FBI fè konnen lendi.

Misye McCabe, ki gen 22 zan depi li t ap travay nan FBI kote li te okipe plas vis direktè a pandan 2 dènye ane yo, te gen plan pou l pran retrèt li nan mwa mas la paske lè sa a li tap gen dwa resevwa tout benefis pansyon li totalman. Men, daprè sa menm ofisyèl la di, Misye McCabe deside pran yon retrèt antisipe a-pati de lendi 29 janvye 2018 la e li pa p retounen nan biwo a ankò.

Ofisyèl la, ki pale a kondisyon pou moun pa site non li- pa bay plis detay. Pandan yon bon ti tan Prezidan Trump ak lidè repibliken yo t ap choute byen fò sou Andrew McCabe poutèt ankèt FBI ap mennen sou yon posib enfliyans Lasiri sou rezilta eleksyon prezidansyèl novanm 2016 la, sitou paske madanm misye, Jill McCabe -ki te yon kandida malere pou yon plas nan sena ameririken an- te resevwa plizyè santèn milye dola kòm kado nan men yon komite daksyon politik (PAC) ki anba kontwòl yon zanmi ansyen kandida a la prezidans pati demokrat la, Hillary Clinton.

XS
SM
MD
LG