Accessibility links

Irak: Fòs Ame Gouvènmantal Bagdad la Repran Vil Kirkouk nan Men Kurd yo

  • Ekip Sèvis Kreyòl VOA

Manm fòs Ame Irak la nan Kirkouk, Irak,16 oktòb 2017.

Fòs lame irakyen yo reprann yon baz ayeryèn enpòtan nan rejyon nò vil Kirkouk mete ak lkòo, yon pozisyon nan fasad sid vil la apre Premye minis Haider Al-Abadi te fin lanse apèl pou atak la

Militè irakyen yo fè konnen jounen lendi 16 oktòb 2017 la yo pral kontinue vanse apre suksè yo ranpòte nan demach pou rekaptire baz ayeryèn K-1-an. Dapre televizyon leta Irak la, sòlda gouvènman an repran yon gwo kantite rejyon nan vil Kirkouk nan nuit dimanch 15 oktoòb la pou rive 16 lendi la. Sepandan responsab kurd yo rejte deklarasyon sa a kategorikman. Majò jeneral kurd Ayoub Yusuf Said presize pou l di:

"Mwen pa konnen egzakteman ki sak pase, paske nou pa nan batay zòn Taza a depi anviwon 4 trè di maten jodi a. Nou genyen anpil viktim, pami yo divès matir, e kounye a nou fè retrè nan pozisyon sa a.”

Kèk nan lòt twoup kurd yo rale kò yo tou, san yo pa tire yon sèl kout zam, e se tout sam ka di. Men noumenm nan 37tyèm brigad-la, nou mentni pozisyon pa nou isit-la. " ( Fend sitasyon ) .

Kurd yo ap kontwole vil Kirkouk depi lè yo te finn repouse militan eta islamik yo ki te debake nan Irak an 2014, e yo te toujou an dezakò ak gouvènman santral Bagdad la konsènan kiyès vremanvre ki ta dwe pran kontwòl rejyon an.

XS
SM
MD
LG