Accessibility links

Yon Sitwayen Kanadyen, Madanm Amerikèn li ak 3 Pitit yo ki te Otaj nan Afganistan Jwenn Liberasyon yo

  • Ekip Sèvis Kreyòl VOA

Yon chèn televizyon pakistanèz ki tap prezante yon repòtaj sou koup la ak 3 timoun yo nan Islamabad, jedi 12 oktòb 2017 la.

Yon koup marye amerikano-kanadyen ak 3 pitit yo kite Pakistan pou yo ale nan La Grann Bretay vandredi 13 oktòb 2017 la apre 5 kan yo pase kòm otaj anba men militan Taleban yo nan Afganistan.

Otorite yo nan Pakistan --ki te jwenn enfòmasyon nan men sèvis sekrè Lèzetazini an-- fè konnen solda yo rive sove sitayèn amerikèn Caitlan Coleman ak mari kanadyen li, Joshua Boyle, avan-yè mèkredi a, aprè kidnapè yo te transpòte yo nan machin nan yon rejyon fwontyè afgano-pakistanè a ki bay sou peyi Pakistan.

Foto Caitlan Coleman, Joshua Bopyle ak 2 pitit yo sou yon video Taliban Afgan an te pibliye an desanm 2016. Koup la te priye nouvo prezidan eli ameriken an, Donald Trump, aksepte negosye pou liberasyon yo.
Foto Caitlan Coleman, Joshua Bopyle ak 2 pitit yo sou yon video Taliban Afgan an te pibliye an desanm 2016. Koup la te priye nouvo prezidan eli ameriken an, Donald Trump, aksepte negosye pou liberasyon yo.

Lame pakistanèz te bay detay sou operasyon sovtaj la yè jedi a. Yon avyon ameriken te deja ateri sou yon baz militè nan vil Islamabad, kapital Pakistan an, kote li tap tann mesye-dam yo ak timoun yo pou transpòte yo nan yon baz militè ameriken nan peyi Lalmay kote yo ta pral resevwa swen medikal. Sepandan, ofisyèl pakistanè yo fè Lavwadlamerik konnen Joshua Boyle te derefize monte abò avyon sa a paske li te pè pou l pa gen pwoblèm ak otorite Lèzetazini yo ki, daprè li, te byen kapab kenbe l pou poze l kesyon. Olye de sa, fanmi an pran yon avyon Leta pakistanè a ki mennen yo nan La Grann Bretay.

Caitlan Coleman ak Joshua Boyle te disparèt nan Afganistan nan lane 2012. Apre sa mouvman taleban nan peyi sa a te pran responsablite pou kidnaping yo. Otorite ameriken yo ensiste pou yo di se gwoup teworis Haqqini, ki gen bon jan rapò ak mouvman taleban an, ki te pran yo ann otaj.

XS
SM
MD
LG