Accessibility links

Etazini: Inondasyon Katastwofik Siklòn Harvey Pote nan Vil Houston Eta Tegzas la Sanble la Pou Kèk Jou

  • Ekip Sèvis Kreyòl VOA

Gad fwontyè Steven Blackbum, agoch, kap ede chache moun ki an difikilte ak lòt ki ta neye nan dlo inonydasyon siklòn Harvey pote pandan semèn nan Houston Tegzas.

Texas, Ozetazini . Harvey, yon tanpèt twopikal devastatè ki kontinye lage gwo lapli sou vil Houston e fòse plizye milye moun kouri kite kay yo, touche tè anko mèkredi 30 out 2017 la.

Harvey ap vanse nan direksyon lès nan eta Louizyann ki tou pre a. Men sant Nasyonal Ouragan predi siklòn nan ap febli pandan lap kite Houston kote yon kantite moun rete bloke lakay yo, antoure ak raje, dlo ak labou.

Siklon Harvey toujou pote ak li van kap soufle a 65 kilomet a lè e chèf pwovizwa Homeland Sekirite a, Elaine Duke, bay avetisman pou di inondasyon katastwofik sa a sanble la pou kèk jou anko, mènm lè lapli istorik yo fini.

Direktè Biwo Federal pou Jesyon Dezas (FEMA), Brock Long prezize yo plase plis pase 30 mil moun nan 230 abri pwovizwa e 1800 nan otèl. Dapre sa gouvènman anrejistre genyen 210 mil moun ki resevwa asistans e gouvènman Eta Tegzas la Greg Abbott di yo deja apwouve 37 milyon dola asistans. Dapre gouvènè a toujou, genyen 14 mil gad nasyonal kap patisipe nan efò sekou yo e genyen 10 mil lòt ki sou wout.

XS
SM
MD
LG