Accessibility links

Etazini-Jistis: Dr. Joseph Baptiste, yon Dantis Byen Koni nan Kominote Ayisyèn nan Anba Akizasyon Ajans Federal

  • Ekip Sèvis Kreyòl VOA

Senbòl jistis.

Ajans Nouvèl Associated Press pibliye depi Boston yon depèch ki fè konnen prokirè federal yo akize dantis ayisyen, Joseph Baptiste, dèske li mele nan konplo pou ofri lajan anba-tab bay otorite nan gouvènman ayisyen an nan kad yon pwojè devlopman pò ann Ayiti ki koute anviwon 84 milyon dola. Mesye Baptiste ki gen 64 tran se yon kolonèl-retrete nan lame amerikèn. Akize a te genyen pou l konparèt madi 29 Out 2017 la nan aprè-midi devan yon tribinal federal nan eta Maryland kote li abite.

Daprè depèch la, avoka kap defan doktè Baptiste la pat repon mesaj yo kite sou bwat-vokal telefòn li.

Pwokirè federal ameriken yo fè konnen Mesye Baptiste te mande yon moun ki te pran-pòz li se yon potansyèl envestisè pou ba li lajan anba-tab pou ede l jwen kontra nan pwojè enfrastrikti yo ann Ayiti. Daprè pwokirè yo, Mesye Baptiste te resevwa 50 mil dola ameriken nan men moun sa a ki te fè tèt li pase pou yon envistisè, alòske moun sa a se te yon ajan FBI (Biwo Federal Envestigasyon). Pwokirè yo di Doktè Baptiste te itilize sòm lajan sa a pou defans pèsonèl li.

XS
SM
MD
LG