Accessibility links

Etazini-Siklòn: Tegzas Anba Gwo Lapli nan Moman Sekouris yo Ap Fè Jefò pou Ede Plizyè Moun ki Anba Inondasyon

  • Ekip Sèvis Kreyòl VOA

Harvey

Isit Ozetazini, vil Houston, ki se 4èm pi gwo metwopòl nan peyi a, pare pou l resevwa plis lapli jodi lendi 28 out 2017 la akoz pasaj yon tanpèt twopikal nan moman sekouris yo ap travay di pou yo rive jwenn plizyè milye moun ke gwo dlo lavalas bloke plizyè kote.

Espeysalis meteo yo prevewa tanpèt la, ki te touche tè nan sware vandredi pase a sou fòm yon soklòn ki rele Harvey. Ebyen, meteo anonse move tan an pral lage an tou 25 lòt sentimèt lapli sou Houston ak zòn ki antoure li yo a jodi lendi a sèlman, epi ant 40 e 60 santimèt lapli soti jodi a pou rive mèkredi. Kèk rejyon nan Eta Tegzas deja resevwa plis pase 60 santimèt lapli.

Minis Sekirite Enteryè Pwovizwa Lèzetazini an, Elaine Duke, pale pou l di, “Menm si fòs van yo diminye, mwen vle ensiste pou m di pwoblèm yo poko rezoud; okontrè, yo poko prèt pou yo rezoud. Harvey toujou reprezante yon tanpèt danjre e menm istorik. Dlo ki monte nan rivyè ak flèv yo nan pati sid Eta Tegzas, pap desann pazanvan fen semèn sa a."

Prezidan Donald Trump, ki genyen pou l vizite Tegzas demen madi 29 out la, te deja dekrete yon eta dijans pou eta sa a ki mete tout kalite asistans gouvennman federal la a la dispozisyon Tegzas, e byen bonè jodi a prezidan an pran menm desizyon an an favè kèk rejyon nan Eta Lwizyàn, ki se vwazen Tegzas.

XS
SM
MD
LG