Accessibility links

Etazini: 6 Matlo Blese ak 10 Lòt Disparèt Lè yon Bato Degè Ameriken Frape ak yon Lòt Bato; Otorite Lamarin yo Ouvè yon Ankèt

  • Ekip Sèvis Kreyòl VOA

Bato degè ameriken U.S. navy destroyer USS John S. McCain (DDG-56).ak elikoptè U.S. Navy SH-60 Seahawk kap apwoche li. Foto: 13 out 2017

Responsab Lamarinn Amerikèn yo pase lòd pou ouvè yon ankèt an pwofondè sou operasyon naval Lèzetazini apre kolizyon bato degè USS destroyer John S. McCain fè ak yon bato machann nan zòn detwa Malacca.

Dapre sa nouvèl yo rapòte gen 5 matlo ki blese alòske 10 lòt disparèt. Responsab yo nan 7tyèm flòt ameriken an pibliye yon kominike lendi 21 out 2017 la kote yo di:

"Destroyer a ki genyen abò li misil moun ka telegide fè kolizyon ak yon veso machan ki gen paviyon Liberyen, an palan de ALNIC MC, vè 6 zè 20 lè lokal."

Sekretè Defans ameriken an, Jim Mattis, di laprès pandan jounen an li sou wout poul ale nan peyi Jordani, e ke li apiye konplètman ankèt Amiral John Richardson tanmen pou evalye tout aksidan ki fèt sou lanmè a nèt.

XS
SM
MD
LG