Accessibility links

Prezidan Donald Trump Kontinye Defann Pitit Gason li an sou Dout ki Poze sou yon Rankont Li te Genyen ak yon Avoka Ris


Kandida Donald Trump ki tap entwodi pitit gason li an, Donald Trump Jr. sou sèn nan pandan yon kanpay elektoral nan Manchester, New Hampshire. 11 novanm 2015.

Prezidan ameriken an, Donald Trump, kontinye defann yon rankont pi gran pitit gason li a, Donald Trump Junior, ki te gen yon rankont ak yon avoka ris ane pase a; Trump Junior te panse avoka sa a ta pral pèmet li jwen enfomasyon ki ta kapab deraye kanpay elektoral rival demokrat papa li a, ansyen sekrete deta Hillary Clinton.

Prezidan Trump ekri sou kont Twitter li lendi 17 jiyè 2017 la pou l di: "Pi fò moun kap fè politik tap dakò pou prese reponn prezan nan yon rankont tankou sa Don Junior te fè a, yon fason pou l ta jwenn enfomasyon sou rival li. Se konsa politik mache."

Lidè ameriken an eseye plizyè fwa dezamòse gwo pawol anpil kap fèt sou rankont Donald Trump Junior te fè, nan mwa novanm 2016 la, ak avoka ris Nathalia Vesel-nits-Kaya. Bò kote pa l, pitit gason prezidan an pale pou l di: " Avoka a pat gen okenn enfomasyon sou Madan Clinton vreman; e rankont la te fini byen vit."

XS
SM
MD
LG