Accessibility links

Etazini-Politik: Ansyen Gouvènè Rick Perry se Chwa Donald Trump pou Dirije Depatman Enèji a

  • Ekip Sèvis Kreyòl VOA

Ansyen kandida repibliken a la prezidans e ansyen Gouvènè Eta Tekzas, Rick Perry, pandn li te pran lapawòl nan Konvansyon Nasyonal Pati a nan vil Cleveland, Eta Ohio, nan dat 18 jiyè 2016 la. (Foto: Mike Segar/REUTERS )

Ozetazini, Prezidan eli ameriken an Donald Trump anonse li chwazi ansyen gouvènè Eta Tegzas la, Rick Perry, pou okipe pòs Minis Enèji a.

Pandan kanpay elektoral la, Misye Perry -ki te yon kandida a la prezidans, donk yon advèsè Misye Trump-- te di li konsidere Depatman Enèji a kòm yon gwo gaspiyaj lajan e gouvènm an ta dwe aboli li.

Ansyen gouvènè Eta Tekzas la, Rick Perry, ki tap souri pandan li tap kite Trump Tower a nan Manhattan New York, nan jounen lendi 12 desanm 2016 la.
Ansyen gouvènè Eta Tekzas la, Rick Perry, ki tap souri pandan li tap kite Trump Tower a nan Manhattan New York, nan jounen lendi 12 desanm 2016 la.

Yon lòt kote, toujou pandan kanpay elektoral ane sa a, Msye Perry --ki te ale dèyè nominasyon pati repibliken an an 2 okazyon-- te deklare li konsidere Prezidan eli a kòm yon kansè pou konsèvatè repibliken yo. Sepandan, apre ansyen gouvènè a, ki gen 66 zan, li te fin abandone kous la, li te andose Donald Trump; paske, dapre li, si Misye Trump pat ni premye, ni 2èm chwa li kòm kandida a la prezidans, li se chwa pèp ameriken an kanmem.

Depatman Enèji a gen 100 mil anplwaye e lap sipèvize lasnal zam nikleyè peyi a pandan l ap fè pwomosyon pou devlopman pwojè ki ankouraje itilizasyon enèji pwòp.

XS
SM
MD
LG