Accessibility links

Prezidan Eli Ameriken an, Donald Trump, Chwazi PDG ExxonMobil la, Rex Tillerson, pou Pòs Sekretè Deta a

  • Ekip Sèvis Kreyòl VOA

Rex Tillerson, PDG konpayi petwòl ExxonMobile, ki tap prete sèman anvan li te fè depozisyon devan Komisyon Jistis Sena a madi 13 desanm 2016 la, sou "Ogmantasyon Pri yo nan Endistri Petwòl ak Gaz la

Prezidan eli Lèzetazini an, Donald Trump, nonmen PDG (prezidan-direktè jeneral) konpayi petwòl ExxonMobil, Rex Tillerson, kòm chwa li pou okipe pòs Sekretè Deta a. Misye Tillerson --ki se yon bon zanmi Prezidan Larisi a, Vladimir Putin-- pase 41 an nan tèt menm konpayi petwòl la.

Rex Tillerson ki tap rankontre ak Premye Minis --kouyela a Prezidan-- Vladimir Putin (adwat) nan vil Sochi, Larisi, madi 30 out 2011.
Rex Tillerson ki tap rankontre ak Premye Minis --kouyela a Prezidan-- Vladimir Putin (adwat) nan vil Sochi, Larisi, madi 30 out 2011.

Donald Trump --ki fè yon diskou tou kout pou l prezante pwofil kandida pou pòs chèf diplomasi a-- deklare :

“ Konesans Tillerson genyen kòm dirijan yon konpayi mondyal, se faktè ki enpòtan pou ede li reyisi kòm dirijan Depatman Deta a.”

Yon lòt kote, manm ekip tranzisyon Prezidan eli a pibliye yon deklarasyon kote yo di:

" Tenasite Rex Tillerson, eksperyans li fè ak konpreyansyon manch long li gen sou plan jewopolitik la, fè li tounen yon chwa ekselan pou dirije diplomasi amerikèn nan... Misye Tillerson pral ankouraje stabilite rejyonal pandan li va konsantre atansyon li sou tout yon seri pwoblèm ki makònen ak enterè sekirite nasyonal Lèzetazini.”

XS
SM
MD
LG