Accessibility links

Breaking News

Vizit Sou Sekretè Deta Adjen Lèzetazini pou Emisfè Oksidantal la, Mari Carmen Aponte, ann Ayiti


Sou Sekretè Deta Adjen Mari Carmen Aponte.

Sou Sekretè Deta Adjen Lèzetazini pou Emisfè Oksidantal la, Mari Carmen Aponte, twouve l ann Ayiti depi dimanch 16 oktòb 2016la e lap kite peyi a lendi 17 oktòb la. Objektif vizit sa a se pèmèt diplomat wo-plase ameriken an evalye asistans imanitè Lèzetazini pote bay Ayiti yon fason pou kore aksyon gouvènman ayisyen pran pou l ede popilasyon rejyon Siklòn Matthew afekte yo.

Administratris Adjwen Ajans Amerikèn pou Devlopman Entènasyonal (USAID) pou Amerik Latin ak Karayib la, Marcela Escobari, akonpaye Sou Sekretè Deta Adjwen Aponte nan demach lap antreprann pou evalye sitiyasyon an nan zòn kote Siklòn nan fè dega yo, ak efò sekou ekip entèvansyon an ka dezas USAID a ap deplwaye sou teren an.

Sou Sekretè Deta Adjwen Aponte te gen pou l rankontre tou ak kèk ofisyèl gouvènman peyi Dayiti a ak divès lòt pati konsène pou li reyafime apui gouvènman ameriken an pou eleksyon kredib, transparan e pezib dewoule nan peyi a. Konsa, peyi Dayiti pral mete fen nan sik elektoral la nan tan ki pi kout kondisyon sou teren an va pèmèt la.

Pou plis enfòmasyon sou vwayaj sa a, swiv kont Twitter @WHAAsstSecty, ki se kont Sou Sekretè Adjwen an.

XS
SM
MD
LG