Accessibility links

Ayiti-Eleksyon: Daprè Pòtpawòl KEP a, Pwosesis la ap Byen Mache Jiskaprezan

  • Ekip Sèvis Kreyòl VOA

Logo CEP Haiti New
Logo CEP Haiti New

Ann Ayiti, pòtpawòl Konsèy Elektoral Pwovizwa a (KEP), Nicole Siméon, rankontre ak laprès nan jounen madi 30 out 2016 la pou yon kontrandi sou evolisyon pwosesis elektoral la. Daprè Madam Siméon, jiskaprezan operasyon yo ap mache byen nan moman KEP a kontinye prepare pèsonèl ki pral travay nan diferan biwo atravè peyi a pandan jounen elektoral la.

Pandansetan, lidè politik Sauveur Pierre-Etienne, ki pale ak Lavwadlamerik, repete konfyans li nan machin elektoral la, “yon konfyans kap dire toutotan KEP a pa ban mwen yon rezon pou m sispann kwè nan responsab yo.” Se deklarasyon Misye Pierre-Etienne, kowòdonatè jeneral OPL (Oganizasyon Pèp kap Lite) ki fè alyans ak kandida Pati LAPEH a (Lig Altènativ pou Pwogrè ak Emansipasyon Ayiti), Jude Célestin.

Eta Florid
Eta Florid

Anfen, nan mwa novanm 2016 la, Eta Florid, Ozetazini, pral genyen yon senatè ki gen orijin ayisyen. Vrèmanvre, apre dewoulman eleksyon primè yo, 2 kandida ki rete yo se 2 imigran ayisyen: Daphnée Durand-Campbell ak Avoka Philippe Brutus. Madam Durand-Campbell fèk fin pase 2 manda nan chanm bas Florid la, tandiske Misye Brutus, li-menm, te manm menm asanble lejislatif la sa gen kèk ane. 2 imigran ayisyen sa yo pral tope kòn yo pou yon plas nan sena Eta a nan dat 8 novanm kap vini la a.

Klike sou lyen anlè a pou detay nouvèl sa yo.

XS
SM
MD
LG