Accessibility links

Dènye Nouvèl Sou Tranblemanntè ki Frape Itali ak Bimani

  • Ekip Sèvis Kreyòl VOA

Pousyè ap sòti anba debri ki tap tonbe nan Amatrice, nan sant peyi Itali, nan jounen jedi 25 out 2016 la, apre yon soukous dèyè manman te frape vilaj sa a.

Nan peyi Itali, yon sekous segondè ki mezire 4,3 sou echèl Richter a frape vil Amatrice nan sant peyi a, yon rejyon ki kontinye soufri anba yon kokenn tranblemanntè ki te pase mèkredi 24 out 2016 la. Sekous annapre sa a koze plis dega sou bilding yo e li voye gwo lafimen dife anlè a, yon bagay ki pwovoke panik atravè vil la.

Debri kay ki kraze nan Pescara Del Tronto, nan sant Itali, nan tranblemanntè ki frape peyi a mèkredi 24 out 2016 la.
Debri kay ki kraze nan Pescara Del Tronto, nan sant Itali, nan tranblemanntè ki frape peyi a mèkredi 24 out 2016 la.

Antretan, responsab yo nan ajans pwoteksyon sivil Itali a revize bilan viktim yo te pibliye anvan an: kounye la a yo mete kantite moun ki mouri yo nan chif 241 --184 ladan yo peri nan vilaj Amatrice, 46 nan bouk Arqueta mete sou 11 lòt nan vilaj Accumoli. Se 3 kote sa yo ki resevwa pi gwo frap nan goudougoudou mèkredi a e yo kraze rapyetè. Plizyè milye nan rezidan ki blese deja resevwa swen medikal. Otorite italyen yo di yo atann yo aske bilan mò yo ogmante toutpandan operasyon sekou yo ap kontinye.

0000000000000000000000000000000000000000000

Manm lame peyi Bimani (Miyannmar) ap netwaye debri nan yon tanp boudis ki sibi gwo dega nan yon tranblemanntè ki frape vil Bagan mèkredi 25 out 2016 la.
Manm lame peyi Bimani (Miyannmar) ap netwaye debri nan yon tanp boudis ki sibi gwo dega nan yon tranblemanntè ki frape vil Bagan mèkredi 25 out 2016 la.

Yon lòt kote, nan peyi Miyannma --ki se non ansyen Bimani-- Prezidan Htin Kyaw pran avyon jedi 24 out 2016 la pou l fè yon toune sou ansyen kapital la, Bagan, yon destinasyon touristik popilè kote li konstate pèsonèlman dega yon gwo kokenn tranblemanntè koze apre li te souke pati nò ak sant peyi a. Bilan: omwen 3 moun mouri -pami yo gen 2 ti fiyèt. Prezidan Kyaw deklare :

“UNESCO, peyi Japon ak Lachin ofri asistans yo pou ede otorite nou yo restore vil istorik la; men se pral yon pwosesis long e difisil."

Bagan se yon vil kote ou jwenn plizyè milye tamp boudis; plizyè douzèn nan yo sibi gwo dega nan tanblemanntè a ki te mezire 6, 8 sou echèl Rickter a.

XS
SM
MD
LG