Accessibility links

Ayiti-Eleksyon: KEP a Konfime Patisipasyon 27 Kandida nan Prezidansyèl Oktòb 2016 la

  • Ekip Sèvis Kreyòl VOA

27 kandida konfime patisipasyon yo nan eleksyon prezidansyel 9 oktòb 2016 la, daprè yon lis prezidan BED Lwès 1 an, Wally Désence, mete devan laprès nan jounen jedi 23 jen 2016 la. Kandida PHTK a, Jovenel Moise, konfime patisipasyon li malgre li te rejte rapò Komisyon Evalyasyon ak Verifikasyon Elektoral la ki rekòmande anilasyon eleksyon ane pase a ak òganizasyon vòt ki pral dewoule nan mwa oktòb pwochen an. Kandida Platfòm Pitit Desalin nan, Moise Jean Charles, ap reponn prezan tou nan kous prezidansyèl la.

Yon lòt kote, yon gwoup pastè ayisyen ki baze nan Eta Massachusetts, Ozetazini, ankouraje 27 kandida yo fòme kowalisyon pou pèmèt elektora a fè bon chwa pandan dewoulman vòt 9 oktòb la. Menm lidè relijye sa yo felisite manm Konsèy Elektoral Pwovizwa a pou efò yap fè pou pèmèt pwosesis elektoral la avanse.

Anfen, yon manm Chanm Bas la ann Ayiti, Depite A. Rodon Bien-Aimé, lanse apèl bay kòlèg li yo pou l mande yo mete sou kote pwoblèm yo genyen antre yo e travay ansanm nan enterè peyi a. Nou jwenn menm pozisyon sa a bò kote lidè Sosyete Sivil la nan Nòdwès la ki envite palmantè yo reflechi sou difikilte popilasyon an ap konfwonte akoz divès kriz ki poko jwenn solisyon.

XS
SM
MD
LG