Accessibility links

Rankont Lidè Palman Ayisyen an ak Lòt Sektè sou Mwayen pou Rezoud Kriz Politik la

  • Ekip Sèvis Kreyòl VOA

Yon sesyon nan Sena Ayisyen an

Rankont ap dewoule ant lidè sena a ak dirijan diferan sektè (politik, sivil e relijye) pou eseye jwenn yon antant sou òganizasyon asanble nasyonal ki pou pran yon desizyon final sou avni Prezidan pwovizwa a Jocelerme Privert ak suit pwosesis elektoral la. Se Prezidan pwovizwa sena a, Ronald Lareche, ki anonse rankont sa yo. Pou Senatè Nènèl Cassy, Misye Privert pa gen okenn responsabilite nan òganizasyon seyans ann asanble nasyonal la ki gen pou deside sou avni li kòm lidè tranzisyon politik la

Yon lòt kote, Kowòdonatè Espesyal Depatman Deta ameriken pou Ayiti, Anbasadè Kenneth Merten, lanse yon apèl bay palman an nan Pòtoprens pou mande l pwononse l sou dosye Prezidan Jocelerme Privert la apre manda li te ekspire madi 14 jen 2016 la, selon akò politik 5 fevrye 2016-la.

Mesye Merten --ki tap bay yon konferans pou laprès pa telefòn ak divès jounalis sou nesesite pou responsab yo “konplete pwosesis elektoral ki te kòmanse an 2015 la ak bezwen ijan pou Ayiti genyen dirijan ki eli nan tout nivo gouvènman an”- fè konnen se pa wòl Lèzetazini pou li di si wi ou non Misye Privert toujou prezidan pwovizwa peyi a. Diplomat la pa bay garanti Lèzetazini pral finanse eleksyon KEP-a prevwa pou 9 oktob 2016 yo.

---------------------------------------------------------------------------

Anfen, ansyen senatè Depatman Sidès la, Joseph Lambert, lanse yon apèl bay Konsèy Elektoral Pwovizwa a (KEP) pou madne l modifye kalandriye ki fikse elektyonprezidansyrl ak lejisaltif pou dat 9 oktòb 2016 la ak yn 2èm toupou 8 janvyue 2017. Daprè Misye Lanbert, si KEP a pa pote chanjman ki nesesè pou rakousi tan li prevwa pou l konplete pwosesis la, sa ka lakoz kriz politik la pwolonje nan peyi d Ayiti.

XS
SM
MD
LG