Accessibility links

Breaking News

Ayiti-Politik: Yon Nouvo Direktè Egzekitif, Uder Antoine, Pran Tèt Operasyon Elektoral yo


Ann Ayiti, nan yon seremoni ki dewoule lendi 23 me 2016 la nan katye jeneral Konsèy Elektoral Pwovizwa a, Léopold Berlanger, enstale Uder Antoine kòm nouvo direktè egzekitif KEP a nan plas Mèt Mosler George ki te demisyone pandan wikenn nan. Korespondan nou Orpha Dessources di nou misyon nouvo direktè egzekitif la se travay ak konsèy elektoral la pou òganize eleksyon lib, onèt e demokratik nan peyi a.

please wait

No media source currently available

0:00 0:10:01 0:00
Direct link

Denis Pascalnard, reprezantan regwoupman politik LAPEH nan sant tabilasyon an, ki t ap reyaji apre enstalasyon Misye Antoine nan, lanse lide pou prezidan konsèy la fè lòt chanjman nan aparèy la, tankou nan Biwo ak Sant de Vòt yo.

Yon lòt kote, reprezantan pati politik Fanmi Lavalas nan sant tabilasyon an, ansyen Senatè Ivon Feuillé, fè konnen sou yon total 3 mil 235 pwosè vèbal, se 510 sèlman ki aseptab. Daprè Misye Feuillé, se machin elektoral la ki responsab fwod ki ta genyen nan eleksyon 2015 yo. Reprezantan Pati Lavalas la fè deklarasyon sa a nan moman patizan kandida Pati Ayisyen Tèt Kale (PHTK), Jovenel Moise, tap manifeste devan lokal konsèy elektoral la nan Petionvil pou yo mande piblikasyon kalandriye elektoral la.

Sou plan administratif, gouvènman Privert/Jean-Charles la kontinye fè chanjman nan administrasyon piblik la. Korespondan nou nan Mirbalè, Jean Christophe Collegue, di nou otorite yo enstale, nan jounen lendi 24 me 2016 la, 2 nouvo vis-delege ak manm yon katèl majistra nan Ba Plato Santral la.

Anfen, nouvèl ki sòti an Zile Turks and Caicos, ki pa lwen Ayiti, fè konnen anpil konpatriyòt ayisyen ap viv nan move kondisyon sou tèritwa britanik sa a; yon sitiyasyon ki vin konplike akoz mank mwayen pou ayisyen sa yo ranje papye yo oubyen retounen nan peyi yo.

XS
SM
MD
LG