Accessibility links

Chanjman Climatik yo – Yon Sous Gwo Kè-Sote pou Prezidan Barack Obama

  • Ekip Sèvis Kreyòl VOA

Prezidan Barack Obama (adwat) avèk Sekretè Detat John Kerry (agoch) pandan lidè ameriken an tap pran lapawòl nan Konferans sou Chanjman Klimatik yo nan vil Anchorage, Alaska. Li di: "Lit sa a mande kowoperasyon, innovasyon, angajman ak pèseverans devan difikilte".

Prezidan Barack Obama sèvi ak restan yon glasye kap fonn nan Eta Alaska pou l ilistre konsekans chanjman klimatik yo, nan moman lidè Lèzetazini an ap kontinye yon vizit istorik nan eta sa a, ki sitiye nan pa ti nò-dwès kontinan ameriken an. Misye Obama te pase jounen madi premye septanm nan ap fè virewon nan yon rejyon kote glasye yo fonn nèt sou yon distans 2 kilomèt pandan 2 syèk ki pase yo. Prezidan ameriken an bay opinyon pèsonèl li sou pwoblèm fenomèn sa a poze pou lemond:

“Sa fenomèn sa a vle di, sè ke akoz fason sezon ivè yo chanje, avèk mwens nèj epi sezon ete yo ki pi long e pi cho, sa eksplike avèk ki rapidite glasye yo ap fonn e sa voye yon mesaj sou ijans ki genyen pou nou prese aji pou n chache rezoud pwoblèm sa a. ”

Objektif vwayaj Prezidan Obama nan Alaska (yon vwayaj ki byen pwograme e byen gide) se chache apui piblik la pou politik administrasyon n nan genyen pou l pwoteje anviwonnman an epi konbat chanjman klimatik yo ki, daprè li, reprezante youn nan prensipal menas lemond ap konfwonte pandan 21èm syèk la.

XS
SM
MD
LG