Accessibility links

Etazini-Kiba: Dosye Vwayaj la devan Sena a

  • Ekip Sèvis Kreyòl VOA

De goch a dwat: Depite Chris Van Hollen (Demokrat Eta Maryland), Senatè patirck Leahy (Demokrat, Vermont) ak Senatè Jeff Flake (Repibliken, Eta Arizona) tap rankontre laprès aprè yon vwayej nan La Avàn, Kiba). Foto: AP Photo/J. Scott Applewhite.

Yon gwoup senatè ameriken ki genyen manm tou lè 2 pati yo ladan n, soumèt devan gran kò a yon pwopozisyon-lwa ki ta ka leve tout entèdiksyon sou vwayaj sitwayen ameriken nan Kiba. Jeff Flake, senatè repibliken Eta Arizona, --youn nan palmantè ki patwone lejislasyon an-- pale pou l di sa pa tap fè okenn sans pou Washington mande La Avàn fè kèk konsesyon anvan pou Lèzetazini leve entèdiksyon vwayaj la. Misye Flake deklare:

«Nou tout fèt pou sonje restriksyon sa a se yon sanksyon, yon entèdiksyon kap peze sou sitwayen ameriken – e non pa sou sitwayen kiben. E nou pa fèt pou espere gouvènman kiben an pral fè kèk konsesyon kèlkonk alòske nou pap ofri li okenn konsesyon, nou menm. Sa sèlman nap di, se ke Ameriken yo ta dwe gen dwa pou yo vwayaje nenpòt kote nou vle, eksepte si gen yon bon jan rezon kote sekirite nasyonal nou an je. »

Senatè Flake di pa gen anyen ki gatanti ke demach li menm ak kèk kòlèg ap fè nan Kongrè-a pral pote demokrasi nan Kiba ane pwochèn oubyen ane ki va vini aprè a; men sa gen yon bon chans pou l kreye yon seri de kondisyon ki ka pare chemen an pou demokrasi tabli anvan lontan nan peyi a. Senatè demokat Eta Ilinwa, Dick Durbin, li menm tou, apiye ak tout fòs lide pou Lèzetazini leve tout restriksyon sou vwayaj nan Kiba.

<< Politik ki la jounen jodi a, se yon politik nap eseye depi 50 tan. Nou te di : « Si nou fèmen pòt la sou Kiba, sa pral pote chanjman nan Kiba. » Eben, politik sa a echwe. Li lè, li tan pou n adopte yon lòt politik.. yon politik ki, daprè sa n konnen, bay prèv ke li kapab bay bon rezilta. >>

An plis Jeff Flake, gen 3 lòt senatè repibliken ki deja anonse yo dispoze apiye pwopozisyon-lwa a.

XS
SM
MD
LG