Accessibility links

Breaking News

Prezidan Obama Siyen Lwa sou Bidjè Depans Federal yo pou Ane Fiskal 2015 la.


Prezidan Barack Obama siyen, nan jounen madi 16 desanm 2014 la, yon lejislasyon sou bidjè federal la pou fè l tounen yon lwa aplikab imedyatman. 2 chanm Kongrè a te vote dokiman an anvan palmantè yo pran vakans pou fèt fen dane a. Bibjè depans pouvwa egzekitif la monte rive yon trilyon 100 milya dola e lap pèmèt gouvènman an kontinye travay jous nan mwa septanm 2015.

Sèl depatman ministeryèl bidjè sa a pa konsènen tatalman, se Depatman Homeland Sekurite (ou Depatman Sekurite Teritoryal) ki gen yon bidjè pwovizwa ki pral epuize nan fen mwa fevriye 2015 la. Lidè repibliken nan Kongrè a limite lajan ki la pou depatman sa a yon fason pou yo kapab fòse Misye Obama rantre dekrè prezidansyèl li te pran, nan fen mwa novanm nan, pou l elimine menas depòtasyon kap peze sou tèt plizyè milyon imigran kap viv ilegalman Ozetazini.

Jounen jodi a, alòske repibliken yo gen majorite a nan chanm bas la sèlman, lè mwa janvye rive yo pral gen kontwòl tou lè 2 chanm yo aprè gwo viktwa yo te ranpòte nan eleksyon palmantè ki te dewoule nan mwa novanm nan.

XS
SM
MD
LG