Accessibility links

Konferans sou Chanjman Klimatik yo / Mesaj Sekretè Deta Kerry

  • Ekip Sèvis Kreyòl VOA

Sekretè Deta Kerry ap pale ak ansyen Vis Prezidan ameriken Al Gore anvan li te mete mesaj li devan delege kap patisipe nan Konferans sou Chanjman Klimatik yo nan Lima, Pewou. (Foto: 11 desanm 2014).

Sekretè Deta ameriken an, John Kerry, di desizyon Lèzetazini ak Lachin pran sa pa gen lontan pou yo limite kantite gaz kabonik kap antre nan lè a, se yon gwo pa ann avan nan lit kont rechofman planèt la. Chèf diplomasi amerikèn nan deklare:

“Lèzetazini ak Lachin –2 peyi moun konsidere depi lontan kòm 2 pi gwo opozan kont negosyasyon sou rechofman planèt la- rive jwenn kounyela a yon tèren komen, yon antant sou kesyon an. Sa, se yon gwo fè istorik, e li ta dwe voye yon mesaj klè bay tout moun pami nou pou di yo : Nou kapab elimine obstak ki te sou wout nou depi plizyè dizèn dane deja.”

Misye Kerry pale konsa jedi 11 desanm 2014 la pandan li tap patisipe nan yon konferans Nasyon Zini ap fè nan vil Lima, kapital Pewou, sou chanjman klimatik yo. Konferans sa a –ki te tanmen depi kòmansman mwa desanm nan-- ap dewoule ak patisipasyon reprezantan plis pase 200 peyi.

XS
SM
MD
LG