WASHINGTON DC —
Prezidan ayisyen an deklare devan Asanble Jeneral Nasyonizi an nan New York, vandredi 26 septanm nan: Ayiti ap òganize eleksyon ! Lidè ayisyen an, ki pat bay yon dat presi pou dewoulman eleksyon yo, te pale sou sekirite, lit kont epidemi kolera a e sou sante.
Apre diskou devan Nasyonzini an, msye Martelly rankontre vandredi swa ak manm dyaspora ayisyen an nan yon legliz Baptis nan Brooklyn kote li ankouraje yo vinn envesti nan peyi a pou kreye travay.
Sou plan lokal, lendi 29 septanm nan, kandida ki te pase ekzamen pou yo vinn manm Biwo Elektoral Kominal yo (BEC) ap sibi yon ekzamen oral pou konnen si wi ou non yo kalifye pou fè pati enstitisyon elektoral la. Entèviou sa yo ap fini vandredi 3 oktòb 2014 la.