Accessibility links

Ayiti Politik: Kondisyon Opozisyon an pou l Patisipe nan Eleksyon yo

  • Kreyòl Sèvis Lavwadlamerik

Prezidan ayisyen an, Michel Matelly
6 pati politik ayisyen enpòtan nan opozisyon an siyen yon akò kote yo di yo pap patisipe nan eleksyon lejislatif yo ki fikse pou fen ane 2014 la si Konsèy Elektoral Pwovizwa a pa gen 9 manm jan konstitisyon amande 1987 la prevwa l la.

MOPOD (Mouvman Patriyotik Opozisyon Demokratik la), youn nan siyatè akò a, sanble li ta ralanti sou egzijans li tap fè depi lontan pou mande demisyon administrasyon Martelly/Lamothe la.

Yon lòt kote, Pòt pawòl Premye Minis la, Michel Brunache, konfime enstitisyon elektoral la bezwen plis pase 34 milyon dola pou l òganize eleksyon yo. Misye Brunache ajoute responsab yo franchi sèlman 28 etap sou yon total 73 ki nesesè pou eleksyon yo dewoule.

7 etidyan ayisyen an ap antre Washington DC pou yo patisipe nan yon staj nan anbasad Ayiti a ak kèk enstitisyon ameriken. Yon lòt kote 6 jèn ameriken dorijin ayisyèn, twouve yo ann Ayiti pou yo travay nan administrasyon piblik la nan kad yon pwogram ki rele: ”Avni Lidè dAyiti”.

Anfen, Sekretè Jeneral Nasyonzini an, Ban Ki-moon, te refize resevwa, vandredi 20 jen an, yon seri dokiman legal avoka ki reprezante viktim epidemi kolera yo an Ayiti te vle renmèt li devan lokal ”Sosyete Azyatik la” nan Manhattan, New York.

Klike sou "koute" pou w tande deklarasyon Sekretè Jeneral Fuzyon Sosyo/Demokrat yo Rosemond Pradel, Serge Jean Louis, manm direktwa MOPOD sou pwochen eleksyon yo. Nou va gen detay tou avèk Michel Brunache, pòtpawòl Premye Minis ayisyen an, korespondan nou Clarens Renois ak anbasadè ayisyen an nan Washington, Paul Altidore, epi Stephane Dujarric, pòtpawòl Sekretè Jeneral Nasyonzini an. Prezantasyon Jacquelin Belizaire ak Marie Luce Pierre.
XS
SM
MD
LG