Accessibility links

Nouvo Apèl Gouvenman Martelly-Lamothe la pou Sena a Vote Lwa Elektoral Amande a.

  • Ekip Sèvis Kreyòl VOA

UN-Haiti
Nan peyi d’Ayiti, gouvenman an te òganize pandan wikenn nan yon rankont kote premye minis Laurent Lamothe lanse apel bay sena a pou mande l vote sou lwa electoral amande a de fason pou eleksyon kapab dewoule anvan fen ane a. Msye Lamothe di eleksyon se yon kafou oblije e gouvenman an deja fè tout konsesyon posib pou pwosesis la avanse. Mènm apèl sa a soti bò kote lidè politik e ansyen kandida a la prezidans, Jean Henry Céant ki mande pouvwa egzekitif la ak pouvwa lejislatif la chache jwen konpromi ki nesesè pou eleksyon dewoule nan dat 26 oktòb 2014 la.

Yon lot kote, asistan sekretè jeneral Nasyonzini pou operasyon lapè, Hervé Ladssus, mete fen nan wikenn nan nan yon visit 3 jou an’Ayiti kote li te rankontre ak otorite yo –pami yo prezidan Martelly ak lidè palman an. Youn nan prensipal tèm diskisyon yo, sete avni misyon Nasyonzini pou Stabilizasyon Ayiti a (MINUSTHA).

Nan yon rankont ak la près msye Ladessus fè anvan li kite Pòtoprens, li fè konnen kontak li pran ak obsèvasyon pèsonèl li fè li kwè misyon MINUSTHA pako fini. Nan yon rezolisyon sena ayisyen an te vote sa pa gen lontan, li mande retrè pwogresif fòs enténasyonal la. Jiskaprezan Konsèy Sekirite a ap etidye yon propozisyon an 5 pwen Sekretè Jeneral Nasyonzini an, Ban Ki-moon, te mete devan manm yo sou restriktirasyon misyon entènasyonal la.

Klike sou « koute »pou w tande developman nouvèl sa yo avèk Rotchild François Junior ak Orpha Dessources. Prezantasyon : Marie Luce Pierre ak Lyonel Desmarattes.
XS
SM
MD
LG