Accessibility links

11 Novanm 2013 se Jou Ansyen Konbatan Ameriken yo (Veterans Day).

  • Ekip Sèvis Kreyòl VOA

2 moun ap pase sou yon plas kote responsab yo enstale 2 mil 13 drapo ameriken pou onore ansyen konbatan Lèzetazini yo.
Lendi 11 septanm 2013 la, Prezidan Lèzetazini an, Barack Obama, ap mete ansanm ak plizyè milyon ameriken pou komemore fèt ki rele Veterans Day --swa Jou Ansyen Konbatan yo. Misye Obama ap ofri yon dejene nan La Mezon Blanch pou yon gwoup ansyen konbatan ak manm fanmi yo; e pi ta li pral patisipe nan yon seremoni tradisyonèl kote li gen pou l depoze yon jèb flè sou tonm sòlda enkoni an nan simityè nasyonal la nan vil Arlington, nan Eta Vijini, tou pre Washington, D.C.

Ameriken yo te kòmanse obsève Fèt Ansyen Konbatan yo ane 1919 pandan yo tap make Jou Armistis la kote Lezetazini ak alye li yo te deklare yon trèv avèk Lalmay pou mete fen nan Premyè Gè Mondyal la. Aprè Dezyèm Gè Mondyal la ak Lagè Kore a, yo te chanje non fèt sa a pou rele li Veterans Day ou Fèt Ansyen Konbatan yo nan lane 1954 pou onore ansyen konbatan tout lagè Lèzetazini te livre.
XS
SM
MD
LG