Accessibility links

Breaking News

Etazini-Teworism/Avètisman Kont Vwayaj - Plis pase 20 Anbasad ak Konsila Fèmen


Drapo ameriken an ap flote devan anbasad Lèzetazini nan Tel Aviv, ann Izrayèl (4 out 2013).
Drapo ameriken an ap flote devan anbasad Lèzetazini nan Tel Aviv, ann Izrayèl (4 out 2013).
Lèzetazini fèmen anbasad ak konsila li nan plis pase 20 peyi nan mond muzilman an ak Afrik di Nò dimanch 4 out 2013 la, e li pibliye yon avètisman kont vwayaj atravè lemond pou sitwayen ameriken yo --avètisman kote otorite yo mete sitwayen yo an gad kont menas rezo al-Kayda a. Kèk lòt peyi –tankou La Grand Bretay ak Lalmay- pran menm prekosyon-an, epi òganizasyon polis entènasyonal, INTERPOL, mete deyò tou pwòp avètisman pa l kote li mande moun pran plis prekosyon pou sekirite yo.

Nan avètisman Depatman Deta a pibliye a, li fè konnen posiblite pou teworis lanse atak, se yon posiblite ki vrè espesyalman nan mond mizilman an ak Afrik di Nò. Daprè nòt la, rezo al-Kayda ak afilye li yo byen kapab poze zak teworis ant kounye a ak fen mwa dout la e atak sa yo byen kapab fèt nan peyi ki sou preskil arabik la.

Samdi 3 out la, La Mezon Blanch te òganize yon rankont wo-nivo sou menas teworis posib kap pezi sou Lèzetazini. Pèsonalite ki te dirije rankont sa a, se konseye sekirite nasyonal a, Susan Rice ; pami otorite ki te asiste reyinyon an, te gneyen Sekretè Deta John Kerry, minis defans la, Chuck Hagel, ak minis sekirite teritoryal la, Janet Napolitano, san bliye diretkè CIA (Ajans Santral Ransèyman an), direktè FBI la ak direktè Ajans Sekirite Nasyonal la.

Pandansetan, INTERPOL fè konnen youn nan rezon ki fè li lanse avètisman pa l la, se le fèt key on gwoup teworis ki te nan prizon, rive chape nan Irak, Libi, Pakistan ak 6 lot peyi ankò. Daprè INTERPOL, rezo al-Kaida te mele nan anpil nan operasyon ki te pèmèt tewosis sa yo jwenn liberasyon yo; e se dè santyèn e dè sanatèn de teworis ak lòt kriminèl ki chape nan prizon yo.

Pi fò nan anbasad ak konsila ameriken ki fèmen yo, twouve yo nan peyi mizilman, tankou Libi, Yemèn ak Irak, kote semèn travay la kòmanse dimanch pou l fini jedi. Daprè otorite ameriken yo, yo kapab mande pou fèmti sa a dire pi lontan aprè yo va fin fè yon evalyasyon.
XS
SM
MD
LG