Accessibility links

Ayiti/ALBA : Premye Minis Lamothe Fè Konpliman pou Kowoperasyon Sid-Sid la

  • Ekip Sèvis Kreyòl VOA

Premye Minis ayisyen an, Laurent Salvador Lamothe, prezante yon bilan pozitif pou patisipasyon li nan 12èm somè ALBA a.
Premye minis Ayisyen an, Laurent Salvador Lamothe, prezante yon bilan pozitif pou patisipasyon li nan12èm somè ALBA a (Alyans Bolivaryèn Peyi Amerik yo) ki dewoule 29 ak 30 jiyè 2013 la nan vil Guayaquil, peyi Ekwatè.

Plizyè peyi manm ALBA dakò pou yo ranfòse yon “plan espesyal” Venezyela te apouve pou Ayiti e ki vize domèn sekirite alimantè, sante, pwodiksyon agrikòl ak enfrastrikti.

Nan deklarasyon Misye Lamothe fè pou laprès anvan li kite Guayaquil, li fè konpliman pou efikasite ak aspè pratik kowoperasyon sid-sid la, jan li manifeste nan ka relasyon Ayiti ak peyi manm ALBA yo.

Pa egzanp, chèf gouvènman an atire atansyon sou reyalizasyon ki fèt nan divès domèn:

-Fon Petro-Caribe Venezuela a bay yon èd dirèk ki pèmèt konstriksyon 4 mil 40 lojman, plis konstriksyon 13 lopital sou 20 ki sou pwogram nan;
-Kiba enplike nan domèn tankou alfabetizasyon ak sante. Egzanp: Anviwon 700 doktè kiben ap opere jounen jodiya divès kote ann Ayiti;
-Ekwatè ap bay Ayiti asistans ki deja pèmèt konstriksyon yon pon ak yon wout.

Klike sou "Koute" pou plis presizyon avèk Premye Minis Lamothe.
XS
SM
MD
LG