Accessibility links

Yon Ofisyèl Ameriken Wo Nivo ap Vizite Peyi Lejip

  • Ekip Sèvis Kreyòl VOA

Nan Lejip, yon delegasyon ofisyèl gouvènman ameriken an rankontre ak lidè pwovizwa peyi a nan vil Lekèr, kote yo ensiste sou nesesite yon gouvènman tranzisyon sivil, demokratik, avèk patisipasyon tout pati.

Delegasyon sa a genyen nan tèt li 2èm pi gwo otorite nan Depatman Deta a, Vis-Sekretè Deta Bill Burns; se premye visit ofisyèl wo-nivo ameriken ki fèt nan Lejip depi lame te ranvèse gouvènman Prezidan Mohamed Morisi a nan kòmansman mwa jiyè 2013 la.

Daprè sa Depatman Deta di, Misye Burns --kap pale ak otorite ejipsyen yo ni lendi, ni madi-- pral rankontre tou avèk lidè sektè komès ak endistri a epi responsab sosyete sivil la.

Pòtpawòl yon pati ki apiye Prezidan Morsi Pati Salafi Nour la, fè konnen Misye Burns mande yon rankont avèk lidè pati a kap etidye demand la pou le moman.

Nan menm jounen lendi a, otorite ejipsyen yo deklare enkoni yo sispèk kòm militan atake yon otobis ki tap transpòte travayè nan vil El-Arish, nan pati nò peyi a –pi presizeman nan rejyon Sinayi a- kote yo touye 3 moun epi blese 17 lòt. Kantite zak vyolans ki dewoule nan Preskil Sinayi a pa sispann ogmante depi ranvèsman gouvènman Prezidan Moris a.
XS
SM
MD
LG