Accessibility links

Breaking News

Prezidan Barack Obama Mete Fen nan yon Toune 7 Jou ann Afrik


Prezidan Barack Obama mete fen nan yon toune ann Afrik avèk yon deklarasyon kote li fè konnen li si e sèten, avèk apwòch ki nesesè a, pèp k ap viv sou kontinan an kapab antre nan yon epòk pwosperite tou nèf. Misye Obama atire atansyon sou divès pwogram ki konbine efò sektè piblik la ak sektè prive a pou ankouraje pwogrè ekonomik epi fè Lafrik tounen yon patnè ki fè plis echanj komèsyal avèk Lèzetazini.

Prezidan an kite kontinan afriken an madi 2 jiyè 2013 la aprè yon sejou nan peyi Tannzani kote li vizite yon izin elektrik ki te rete san travay pandan lontan, men ki rekòmanse bay kouran pou alimante diferan tip aktivite gras ak yon pwojè amerikano-tannzanyen.

Pandan vizit sa a, Misye Obama atire atansyon sou bèl reyalizasyon ki ka sòti nan yon tèt-ansanm sektè prive/sektè piblik; daprè li, reyalizasyon sa yo ka fèt nan anpil domèn, tankou agrikilti, edikasyon, lasante, elatriye. Prezidan ameriken an di Lèzetazini dispoze rete yon patnè solid pou Lafrik nan ane kap vini la yo.

“Se sou sa tout efò nou yo pral konsantre: se jwenn garanti ke afriken yo genyen zouti, enstriman yo bezwen pou yo kreye yon lavi miyò pou pèp yo epi garanti tou ke Lèzetazini rete yon patnè nan efò sa a. Se pral yon bon bagay pou Lafrik; se pral yon bon bagay pou Lèzetazini, menm jan se pral yon bon bagay pou lemond.”

Pandan Misye Obama tap pale devan yon gwoup òm-dafè ak entreprenè ameriken e efriken nan Dar-Es-Salam, kapital Tannzani, li deklare : "Mwen konsidere Lafrik kòm pwochen gwo istwa siksè lemond ka reyalize"
XS
SM
MD
LG