Accessibility links

Etazini: Prezidan Obama Rankontre ak Premye Minis Britanik la

  • Ekip Sèvis Kreyòl VOA

Prezidan Barack Obama rankontre nan Washington ak premye minis britanik la, David Cameroun. Vizit msye Cameroun ap fè sou teritwa ameriken an tonbe aprè rankont li sot ak prezidan rus la Vladimir Putin; yon chita-pale ki te santre pou pifò sou yon tranzisyon politik ki kapab mete fen nan lagè Siri a.

Lèzetazini ak Larusi gen entansyon òganize yon konferans entènasyonal nan vil Jenev nan peyi la Swiss dekwa pou fè presyon sou prezidan Bashar al-Assad ak rebèl yo pou mete fen nan rejim ni an epi fè chita-pale lapè avèk rebèl yo.

Jiskaprezan, gouvènman siryen an pako reyaji sou rekèt sa a e prensipal gwoup opozisyon an fè konnen li pa vle tande pale de okèn akò k ap pèmèt prezidan Assad rete sou pouvwwa a, nan Damas.

Bò kote pa yo responsab nan mezon blanch yo fè konnen msye Obama ak msye Cameroun pral diskite tou sou rankont gwoup G-8 la ki reyini 8 nasyon ki pi rich sou planèt la.
XS
SM
MD
LG