Accessibility links

Breaking News

Atanta Mòtèl Nan Boston, Eta Massachussetts : Bilan 3 Mò ak Plis Pase 150 Blese


Prezidan Barack Obama k ap pale nan Mezon Blanch lan nan Washington, DC apre eksplozyon ki fèt lendi 15 avril 2013 la nan Marathon Boston nan
Prezidan Barack Obama k ap pale nan Mezon Blanch lan nan Washington, DC apre eksplozyon ki fèt lendi 15 avril 2013 la nan Marathon Boston nan
Prezidan Barack Obama mande nasyon an pote-kole ak viktim trajedi Boston nan. Misye Obama ki pran lapawòl lendi apre midi nan youn nan sal konferans Lamezon Blanch lan deklare "Nou pa konnen kilès ki komèt zak sa a ni pouki", e l di jounalis moun pa dwe kouri tire konklizyon sou sa k pase a.
Sepandan li avèti e bay asirans "nou pral jis nan fon zak sa a e nou pral jwenn moun ki komèt li a, nou pral konnen pouki yo komèt aksyon sa a."
Chèf Lamezon Blanch lan bay asirans "gouvènman li an pral fè tout sa ki nan pouvwa gouvènman federal la pou jwenn koupab yo e pini yo avèk tout severite la lwa".
"Sila ki dèyè atak Boston yo pral santi tout pwa lajistis, prezidan Obama deklare avèk yon vizaj ki pa kache emosyon ak tristès li.
Lidè ameriken an bay asirans li pap menaje okenn efò pou l ale nan fon atanta sa a ki pran lavi 3 moun e blese anviwon 152 lòt, dapre dènye bilan sous lopital yo pibliye.
Prezidan Obama ajoute "Boston se yon vil ki gen kouraj e ki rezilyan menm jan ak tout pèp ameriken an. Nou sèten sitwayen Boston yo pral pote-kole pou apiye youn lòt e kontinye vanse antanke yon vil fyè, tankou yo toujou fè l. Pèp ameriken an ap avèk yo nan chak etap chimen sa a", san li pa antre nan detay ni itilize adjektif trajik pou kalifye eksplozyon yo.
Otorite yo ranfòse mezi sekirite yo nan nivo maksimòm alantou Mezon Blanch lan nan Washington DC, tandiske lapolis ak ajan FBI ap pwoteje lòt biwo federal yo.
Pou fini, Prezidan Barack Obama di pèp ameriken an genyen abitan vil Boston yo nan priyè li.
Bò kote pa li, Vis-prezidan ameriken an, Joe Biden, di "Nou pa konnen egzatemen sa k pase a, men priyè nou avèk moun ki blese nan eksplozyon Boston yo.
XS
SM
MD
LG