Accessibility links

Venezuela ap Prepare l Pou Eleksyon Prezidansyèl yo Aprè Lanmò Hugo Chavez

  • Ekip Sèvis Kreyòl VOA

Nan peyi Venezuela , pati politik yo ap pare pou men-nen bon jan kanpay nan okazyon eleksyon prezidansyèl pou ranplase defen Hugo Chavez , lidè sosyalis la li ki mouri apre yon lit manch long kont maladi kansè eleksyon ki fikse pou pou 14 avril pwochen an.

Lidè opozisyon an Henrique Capriles anonse ofisyèlman dimanch 10 mas la li pral patisipe nan kous prezidansyèl la an fas prezidan pwavizwa a Nicolas Maduro. Pou mesye Capriles denonse prestasyon sèman mesye Maduro a ke l konsidere kòm yon “fwòd konstitisyonèl”.

Mesye Capriles di : “Mwen vle di pèp nou an ki la jodia, nan non Bondye mwen kwè ladan nan , mwen pral goumen kont nou tout . Nicolas , mwen pa pral ba w yon kat blanch. Ou pral kale m ak bilten-vòt e nou pral batay pou chak grenn bilten. Nou pral lite paske n ap goumen pou peyi sa a , kèlke swa sa sa koute m paske mwen pote patri sa a nan kèm e ekip ou a se pa ke yo se yon pakèt bon moun yo , e nou menm nou se move moun. Genyen plizyè milyon moun pami nou ki renmen peyi sa a . "

Sepandan mesye Maduro sèmante l ap ranpòte eleksyon spesyal mwa davril la pou l ka kontinye ak pwogram sosyalis Hugo Chavez la . Mesye Maduro pale konsa nan yon diskou li fè yè dimanch la devan yon foul patizan.

Mesye Maduro di: "Jounen jodi a , mwen se prezidan paske se sa konstitisyon an mande , men anplis de sa, se paske li te pase lòd la (an palan de Hugo Chavez) e mwen pral kandida pou pòs prezidan an e mwen pral prezidan repiblik la e kòmandan an chèf fòzame peyi a ---se sa li te òdone. Mwen la e pral egzekite tout lòd li yo. Men mwen bezwen apui pèp la. Mwen bezwen apui fòs revolisyonè yo. Mwen bezwen apui pèp nòb peyi a."

Anvan prezidan Chavez te mouri , li te non-men mesye Maduro , vis-prezidan an , kòm sisksesè li. Defen an te fè deziyasyon sa a nan mwa desanm ane pase anvan li te pran avyon pou li te ale nan peyi Kiba pou yon dènye operasyonn pou maladi kansèl la .
XS
SM
MD
LG