Accessibility links

Sekretè Deta Kerry Montre Sipò Etazini Pou Pèp Siryen an

  • Ekip Sèvis Kreyòl VOA

Sekretè deta ameriken John Kerry re-afime apwi Washington pou pèp siryen an pandan yon konferans konjwen nan Doha ak premye minis Qatar la, Amad bin jasim Bin Jaber Altani.

Li di tou prensipal priyorite gouvènman ameriken an se mete fen nan kantite moun k ap mouri nan peyi a e libere pèp siryen an. Chèf diplomasi amerikèn nan fè konnen Lèzetazini konnen ki kalite asistans lòt peyi deja bay fòs opozisyon siryèn nan jiskaprezan.

Byen bonè maten 5 mas la, militan fè konnen rebèl yo mete men sou gouvènè pwovens Raqqa nan nò peyi a apre yo te finn bouskile fòs gouvènmantal yo nan kapital la.
Obsèvatwa siryen pou dwa moun nan ki baze nan vil Lond di konbatan yo kaptire Hassan Jalili ke yo konsidere kòm pi gwo otorite ki nan men yo depi leve kanpe kont prezidan Bashar al-Assad la.

Videyo amatè ki soti sou kèk medya sosyal montre rebèl yo k ap pran posesyon yon gwo pati rejyon Raqqa. Militan yo presize, afwontman yo kontinye nan lòt rejyon nan kapital pwovens la .

Kounye a rebèl yo genyen anba men yo plizyè gwo vil siryen, pami yo Alèp ki nan nò, kèk rejyon nan Damas e nan vil Homs ki nan sant peyi a .
XS
SM
MD
LG