Accessibility links

Breaking News

Etazini - Eleksyon: 2 Kandida yo Pral Rankontre nan yon Dine Archidyosèz Vil Nouyòk la


2 jou apre gwo deba prezidansyèl Nouyòk la , prezidan ameriken an Barack Obama ak rival repibliken l lan , ansyen gouvènè Mitt Romney pral rankontre ankò , men fwa sa a nan yon lòt reyalite aswè a nan New York City.

2 kandida yo resevwa envitasyon pou patisipe nan yon dine Archidyosèz vil la òganize chak ane nan Waldorf-Astoria, yon otèl de lux. Mesye Obama ak mesye Romney ap gen pou yo chak pwononse yon diskou komik pou yo rete nan espri ak tradisyon evenman.

Kadinal Timothy Dolan , responsab archidyosèz Nouyòk la , fè konnen li resevwa yon pakèt emèl ke l pa menm kontè ki egzòte l anile envitasyon ke l te voye bay prezidan an paske nouvo pwogram refòm sante prezidan Obama a mande asirans yo pou yo kouvri depans ki gen arevwa ak metòd pou kontwolè ki lè ou vle fè timoun.

Legliz katolik kont metòd planing Familyal yo. Sepandan Cardinal Dolan presize li pa an favè okenn nan 2 kandida yo e li presize li te fè priyè final nan ni Konvansyon Demokrat la ni nan Konvansyon Repibliken an.

Yon lòt kote, prezidan Obama an ansyen gouvènè Romney te men-nen kanpay apre deba madi swa a . Nan Iowa , prezidan Obama ki te bay yon meyè randman nan dènye deba a , di elektè yo , mesye Romney di li genyen 5 pwen pou remete ekonomi amerikèn nan rekanpe, men reyèlman , dapre mesye Obama , se yon sèl grenn pwen kandida repibliken an genyen ki se ofri benefis spesyal bay klas ki pi rich la .

Mesye Romney bò kote pal te nan Virjini kote li di patizan l yo , mesye Obama pa genyen okenn pwogram pou yon 2e manda. Li ajoute prezidan an pa gen plan pou kreye djòb.

Mesye Obama te nan Ohio tou mèkredi 17 oktòb la pandan mesye Romney te fè yon 2e rasanbleman toujou nan Vijini. Pezidan Obama ap fè yon rete nan New Hampshire anvan li ale nan dine legliz katolik Nouyòk la.

Mesye Romney li menm ap pran yon repo apre 2 rankont Vijini yo.
XS
SM
MD
LG