Accessibility links

Tanpèt Twopikal “Izaak” Pèdi Fòs, men li Toujou Poze Gwo Danje pou Kèk Eta nan Sid Lèzetazini

  • Ekip Sèvis Kreyòl VOA

Tanpèt Twopikal “Izaak” ap deplase dousman sou Eta ki nan pati sid Lèzetazini -espsyalman Lwizyàn, 7 tan aprè siklòn Katrina te fè gwo dega nan eta sa a.

Espesyalis tan yo di tanpèt la pral febli pou l tounen yon depresyon twopikal pi ta nan jounen jedi 30 out la pandan l ap kontinye deplase nan direksyon nò sou eta Lwizyàn, sou kòt Etazini ki bay sou Gòlf Meksik la.

Sant Metewolojik Nasyonal Ameriken an –ki baze nan vil Miami, nan Eta Florid-- di Izaak pote ak li van kap soufle a 95 kilomèt a lè e li ka lage jiska 63 santimèt lapli sou kèk zòn nan Eta Lwizyàn, Misisipi, Alabama ak Akansò anvan li fin pase sou eta sa yo vandredi.

Move tan an gen pou l deplase pou l ale nan sant-wès Lèzetazini kote moun yo ap redi anba sechrès depi kèk tan deja; donk yo bezwen lapli anpil-anpil.
XS
SM
MD
LG