Accessibility links

Breaking News

Ayiti - Eleksyon : Iltimatòm Prezidan Martelly pou Palman an


Prezidan ayisyen an Michel Martelly bay palman ayisyen an yon delè 8 jou pou li deziye 3 moun ki pral reprezante li konsèy elektoral gouvènman Martelly-Lamothe la pral mete sou pye nan peyi a. Depi kèk jou deja, kesyon ap poze pou mande eske pwochen konsèy la ap yon enstitisyon pèmanan ou pwovizwa.

Iltimatòm Prezidan Martelly a ta fè kwè 2 pati yo pa rive antann yo sou kesyon an, paske anpil palmantè (senatè kou depite) te leve lavwa pou di yo pap apiye lide pou Pouvwa Lejislatif la voye reprezantan nan konsèy la si lap gen estati yon enstitisyon pèmanan, alòske prezidans la pa kache di li vle yon konsèy elektoral pèmanan.

Korespondan nou Rotchild François Junior di nou Prezidan Martelly lanse iltimatòm nan apre CSPJ (Konsèy Siperyè Pouvwa Jidisyè a) te konfime 3 reprezantan li deja soumèt devan Pouvwa Ekzektif la pou reprezante li nan pwochen konsèy electoral la.

Klike sou ikon ki agoch la pou w koute repòtaj Rotchild la.
XS
SM
MD
LG