Accessibility links

Etazini - Eleksyon: Prezidan Obama Vle Kreye Travay pou Klas Mwayèn nan

  • Ekip Sèvis Kreyòl VOA

Prezidan ameriken an, Barack Obama, deklare jodi a eleksyon prezidansyèl 2012 la se yon “afè kreye travay pou klas mwayèn nan”, pandan misye Mitt Romney ---kandida posib Pati Repibliken an--- kritike prezidan an dèske li pa rive remete ekonomi an sou pye. 2 kandida yo pwononse yon diskou sou ekonomi an nan Eta Ohio—yon Eta enpòtan pou tout kandida k ap chèche antre nan Mezon Blanch lan.

Misye Obama ki te pran lapawòl nan yon inivèsite nan Cleveland deklare: “enpas ki gen nan Washington ant 2 kouran ki fondamantalman diferan vizavi direksyon peyi a ta dwe pran ap nui efò pou remete ekonomi an sou ray.”

Lidè ameriken an di eleksyon 2012 la se yon chans pou ameriken yo kraze enpas sa a.

Pandan li t ap fè kanpay nan vil Cincinnati, Ohio, ansyen gouvènè Eta Massachusetts la, Mitt Romney, akize misye Obama deske “li ran li difisil pou antreprenè kreye travay nan peyi a”. Misye Romney di: “ preske chak bagay prezidan an fè ran li pi difisil pou òmdafè yo demare yon antrepriz”.

Misye Romney ajoute “ regleman gouvènman an enpoze ap toufe ti antrepriz yo”

Diskou nan Eta Ohio 2 kandida yo fè nan Eta endistriyèl Ohio jodi a souliyen enpòtans Eta a ni pou misye Obama ni pou misye Romney nan eleksyon jeneral mwa novanm 2012 la. Nan 3 dènye eleksyon yo, pa genyen yon kandida ki rantre nan Mezon Blanch lan san li pa ranpòte Ohio.
XS
SM
MD
LG