Accessibility links

Grand Bretay: Selebrasyon Jibile Diaman Rèn Elizabeth

  • Ekip Sèvis Kreyòl VOA

Nan la Grand Bretay, La rèn Elizabeth al patisipe nan revi naval yon flòt ki gen plis pase mil bato ki t ap defile sou Flèv Tamiz la dimanch 3 jen 2012 la nan kad selebrasyon jibile diaman ki make 60 tan rèy ni sou twònn nan.

Plizyè santèn milye moun te reyini bò flèv la malgre la pli pou yo te ka bat bravo pou la rènn nan yon espektak ke yo pa janm wè nan nivo sa a pandan apepré 350 tan.

Wouj, blan e ble se koulé drapo Inion Jack Britanik la ki dekore building ak moun nan moman kloch ap sonnen nan tout vil Londr.

La rèn te abiye ak yon konplè rad chapo ajan e blan, li t ap souri epi li t ap voye men bay piblik la.

Li te gen bò kote l mari l ki gen 90 zan Prens Phillip, Prens Charles, pi gran pitit gason ni an, Prens William ak nouvo madanm prens William nan Kate avèk tout lòt moun ki nan fanmiy Wayal la.
XS
SM
MD
LG